Page 95 - SicilianaEneide

Cu l'ali aperti e cu la vucca a cantru,
la Fama, curtigghiara pi natura,

a tutti fa sapiri la nuvella

d'Enea agghicatu nta lu Laziu e già
si parra di spunsali cu Lavinia.

Giunoni virdi pi la bili a Giovi

assegna ddu successu pirchì sapi

ch'é tenniru di cori e cunsinzienti
quannu la figghia Veniri lu preja

ed é pi chistu ca si nega appena

lu sommu patri sconcica la Dea,
dicennu ca ci vinni lu matruni.

Giovi capisci a volu di chi pati

Giunoni so muggheri e non si cura
di fari paci o di tranquillizzarla.

Iddu nto munnu scinni nta sti casi

d'umanu aspettu camuffatu e comu
diversi voti fici nto passatu,

vistennusi di toru, gocci d'oru,

cignu ed autri animali, nta lu lettu

tumma di cu ci pari e piaci e dopu
ritorna nta l'olimpu beddu friscu.

Puru sta vota Giovi si cuncessi

na piccola licenza... maritali,
lassannu ca si coci nto so brodu

Giunoni ch'é bisbetica muggheri.

La 'nsetta Giuno sta licenza brutta,

ma raggia poti chiù ca gilusia
e cu la testa tra li manu pensa

chiddu c'ancora fari ci cunsenti

lu Fatu p'arricari detrimentu,

pag. 104