Page 92 - SicilianaEneide

si scorgi di luntanu na citati,
c'assittata ci pari supra 'n-munti,

ricca di torri e mura di difisa;

Laurentu é chista certu la latina.
Cuntatti cu lu re Latinu

Richiesta di asilu pulitico

L'ordini duna Enea di rinfurzari

lu vallu ca già fici u jornu prima
e pripara d'araldi na squadriglia

pi prisintari istanza di rifugiu

o principi suvranu di Laurentu,

dicennu dunni sunu e li spiranzi
ca nta lu cori ci hannu di rizzettu

e di truvari paci nta ddu locu.

E pi dari cridenza a li paroli
e nun fari pinsari a li Latini

d'essiri riturnati a cunquistari

'n-soccu ad iddi tuccava di dirittu,
dissi all'araldi di non diri nenti

di la Dardania discendenza e d'Ilu,

ca poi li chiarimenti ci sarannu
a tempu e locu e quannu chiù cunveni

parrari di st'antica parentela.

Latinu seppi di lu sbarcu intantu

supra li costi di lu regnu soi,
ca la Fama currennu ci lu dissi

e seppi puru c'a parlamentari

vineva d'iddi na delegazioni.
La reggia para, ch'era tapizzata

di simulacri e storici figuri,

pag. 101