Page 90 - SicilianaEneide

Iddi nta nenti ficiru 'n-pupuni,
cu dintra la rigina, ca crisceva

e patruni si ficiru di tuttu.

Dopu a Lavinia li capiddi a focu
ci pigghiaru e di luci risplindenti

e riflittenti tutta rilucivu

e li capiddi dopu ricrisceru

sempri chiù beddi e culurati d'oru.
Di Febu lu mavaru interpretavu

ca s'aspittava l'arrivata nova

di genti nta lu regnu di Laurentu
e ca dopu lu focu di la guerra,

Lavinia sempri chiù splindenti crisci.

Era Latinu cunfunnutu veru,
ca tannu nenti si faceva siddu

nun c'era appruvazioni chiara e certa

di vuluntà divina e sempiterna.
Pinsavu allura d'ascutari a Faunu

so patri supra l'argumentu incertu.

Cu vittimi prescelti d'agnidduzzi

nta la furesta Albinia si ni jvu,
dunn'era ancora vivu lu putiri

vaticinanti di lu mortu patri.

A lu Sonnu si detti finu a quannu
nta l'aria non s'intisi vuci arcana,

ca dissi chiaramenti: - O figghiu regi

non fari li spunsali di Lavinia

cu 'n-omu ch'é latinu, ca lu Fatu
ad idda distinavu pi maritu,

nu re stranieru, imparintatu puru

cu na divinitati, ca granni faci

pag. 99