Page 85 - SicilianaEneide

nta lu munnu n'avemu in quantitati.
Ma riturnannu all'avvintura scritta,

dicemu ca nto tempu jutu a Roma

'mpurtanza granni data vinni a maghi,
streghi vaticinanti e 'nsittaturi

di fatti e di misfatti pirchì chistu

era sanciutu di la tradizioni

e nenti si faceva e si diceva
senza ascutari prima lu responsu

d'Apollu divu, ch'era titulari

di li futuri fatti da sapiri
medianti l'interpostu....sibillami!

Gaeta

Supra li navi acchiana l'omu piu,

ca si sinteva sempri di chiù piu

e navigannu versu settentrioni
l'ancura a sira nta lu mari cala

nta na silenti rada di l'Italia.

Ddocu si ferma pirchì staci mali
chidda ca veramenti madri fici

ad iddu picciriddu ed a so figghiu

e ddocu infatti mori la vicchiarda

ed a ricordu d'idda Gaeta chiama
ddu portu dallu chetu mari azzurru,

ca fu casteddu di difisa estrema

di Roma, di lu Laziu e di l'Italia.

pag. 94