Page 80 - SicilianaEneide

maritu addivintavu e mentri dormi
la gran buttana greca lu tradivu,

ca l'attaccavu nta lu lettu e ddocu

acchiappari lu fici a Menelau,
ddu gran curnutu ca l'assassinavu

non prima di sfregiarlu daccussì.

D'appressu Flegetonti appari, ciumi

di focu ca lu Tartaru ricingi.
Dici Sibilla ca dda dintra stannu

li chiù fitusi di l'umanitati,

assemi a li giganti ca lu celu
a Giovi cuntistaru ma pirderu.

Dopu, lu campu Elisiu veni dunni

l'eroi e li giusti illuminati sunu
di janca luci e musica divina

tra l'arvuli si senti e supra l'erba

ciuri d'acculurati chiomi vannu
criscennu in armunia di terra e celu.

Anchisi

Orfeu si scorgi, Assaracu ed Ilu,

Dardanu padri e di Museu la facci,

ca l'accumpagna dunni Anchisi staci

tra l'animi vutati a riturnari
supra la terra pi superchia fama.

Tri voti s'abbrazzavu a lu Pinatu,

ma pi tri voti leggi riturnaru
li vrazza nta lu pettu di l'eroi,

ca d'Anchisi ci stava nta ddu postu

l'ummira sula senza corpu vivu.

A dirici paroli di cunfortu
si limitavu allura e quannu vitti

pag. 89