Page 77 - SicilianaEneide

Caronti

Caronti infini appari supra a varca

ca s'accosta a la riva di lu ciumi;
cu l'occhi russi di dimoniu anticu

squadra la fudda nta la riva ferma

ca premi pi putiri traghittari.
E' genti ca murivu ed ora cerca

di trasiri accussì nto munnu eternu.

Si l'obulu non mustra lu chidenti,

Caronti lu rispingi e passa avanti.
Tra chiddi senza nenti nta li manu,

c'é puru Palinuru, c'addumanna

ad Enea di turnari a Velia, dunni
lu so corpu nun havi sepultura.

Sulu accussì purtari poti l'obulu

pi trasiri nto regnu di li morti.
La sibilla assicura ca ben prestu

Caronti lu traghetta pirchì c'é

già nta lu lidu cu' ci sta pinsannu.
Quannu Caronti vidi ca l'eroi

nun era sulu spirdu, stracanciavu,

ma la sibilla ammustra a prima rosa

ed iddu allura cangia l'espressioni
pirchì capivu ca la vuluntati

c'era suprema nta dda circustanza.

Passò lu ciumi 'nsemi a la Sibilla
supra la varca di Caronti Enea

ca sprufunnavu a moddu chiù di prima

pi differenti pisu naturali,

ma cunsintivu l'arrivata a ripa.
Dopu Caronti a Cerberu tuccavu

pag. 86