Page 73 - SicilianaEneide
P. 73
Libru sestu
Approdu a Cuma
Chiangennu ancora lu pirdutu amicu,
di cui capivu a pienu lu valuri,
s'attacca di pirsuna a lu timuni
Enea divinu e quannu vidi terra
s'avvicina, sicuru ca di Cuma
ddocu la rocca adergi di lu mari,
ca di luntanu scorgi lu palazzu
a Febu dedicatu ed unni staci
l'orribili Sibilla 'ncantatura.
Giaci lu portu circundatu a fauci
di pini sempri virdi, com'Apollu
vosi, in mimoria di l'amata ninfa
ca l'aspettu di st'arvulu pigghiavu.
Suvrasta lu palazzu, dunni l'ara
d'Apollu vi truneggia e vinni erettu
da Dedalu agghicatu comu aceddu
dalla luntana Creta cu lu figghiu.
La guerra di Minossi contr'Ateni,
l'effigi d'omu-toru nto recintu,
d'Arianna lu ruccheddu, di Teseu
la 'mprisa e l'ali a cira 'mpiddicati,
eranu vantu di lu basamentu
di stu palazzu di Sibilla sedi.
Dintra s'apreva l'antru in centu porti,
dunni nisceva di lu Diu la vuci
pi vucca sempri aperta di Sibilla.
pag. 82
