Page 69 - SicilianaEneide

e la citati ca fundari voi. -
Lu sangu ci sgricciavu a la mischina

e nta la gola s'astutò la vuci,

ma nesciri 'un vuleva da lu corpu
l'alma dannata di Didoni ancora,

ca li jastimi ci pareru picca.

Ma l'iridi intervenni cu pietati

a chiudiri pi sempri la so vita,
pirchì suffreva senza la spiranza

d'aviri gudimentu di dda morti.

Anna a la pira duna focu allura,
di profumatu unguentu cuspargennu

lu corpu di la soru ca s'adduma.

Lu spirdu di Didoni si livavu
supra la pira c'abbruciava ancora

e comu aceddu c'allaggiuccu curri

nta l'antru di Plutoni s'intanavu.
Lu cori ancora chinu di duluri,

idda l'occhi spingivu lacrimusi

spirannu di truvari puru ddocu

l'amanti tradituri mortu stisu,
ca subissatu avissiru i marusi

pi grazia ricivuta di Nettunu.

Lu lamentu di Sicheu

La facci non truvavu di l'amanti,

ma chidda corrucciata di Sicheu,
ca si scansava pi non la guardari.

- Sicheu, Sicheu, chi fa non mi canusci? -

Dissi Didoni primurusa e duci,

spirannu di truvari lu cunfortu
di lu maritu ca pirdutu avia

pag. 67