Page 68 - SicilianaEneide

di dd'amuri gudutu ma scunchiusu
e si sintivu persa, senza ciatu

e spinnu di campari, ca pirdutu

cu 'n-estraniu l'onuri ci pisava
e nun si dava paci ca l'aveva

sprimuta e poi jttata com'aranciu

di chiddi cultivati nta Finicia.

Lu pinseri ci vinni di seguiri
d'Enea li navi finu all'infinitu

ma lu cunsigghiu di la soru fui

di mettiri na petra supra tuttu
e di scurdari dd'omu tradituri,

ca compitu chiù granni l'aspittava,

di guvirnari la città nascenti.
Ma, pazza di duluri e di rimpiantu,

pinsavu allura ca la morti sula

puteva dari paci a lu so cori.
Morti di Didoni

Isari fici nta la chiazza granni
di ligna na catasta e supra misi

lu lettu di Sicheu e poi d'Enea

e cu la spada di l'eroi trujanu

lu pettu si pirciavu mentri dici:
- Malidizioni a tia ti mannu, Enea,

ca cu sta spada mi trapassu u cori

ca tu firisti a morti nta me vita.
Lu sangu ca mi nesci di li vini

vogghiu ca scinni supra la to testa

e supra chidda de to figghi tutti

e ca suvranu sempri l'odiu regni
tra la nuvella Tiru ca tu lassi

pag. 66