Page 63 - SicilianaEneide

- Ti dissi mai, Didoni, ca Giunoni
n'avissi fattu maritari infini?

Tu lu sapevi 'n-soccu cercu, dici,

ca lu cuntavu beddu chiaru e tunnu.
'Un é cca la casa originali dunni

Dardaniu vinni navigannu a Troia,

ca mi lu dissi antura Giovi stissu.

Ju nenti ti prumisi e sulu detti
la cosa ca vulevi e ti mancava,

pirchì li sensi nun tinevi a frenu

e satisfarli li vulisti a pienu.
Non chiangiri pirtantu ed a me matri

ringrazia ca ti detti scusa e vantu

d'amuriggiari cu cutantu figghiu.
Dopu ca partu cerca a tia d'attornu

ca trovi di sicuru cu ti cemma

li sensi ardenti ca nun sai frinari.
La reazioni di Didoni

A sti paroli la rigina in visu
la collira ci spunta, lu talia

comu si fussi Cerbiru scappatu

direttamenti di l'Avernu e dici:

- Tu non si figghiu certu di la dea,
ca figghiu di buttana la chiù lurda

m'arrisuttasti, pezzu di curnutu!

Tu scappi sempri pi sarvari a peddi
e piu non si' ma calculista e pappa.

A to muggheri la lassasti apposta

arreri a tia ca scappavi a Troia,

p'aviri tempu e spaziu chiù currenti
ed ora ca di mia sfruttasti casa,

pag. 61