Page 58 - SicilianaEneide

accussì forti ca lu chiantu in pizzu
sempri ci aveva quannu lu videva

pirchì Sicheu ci pari di tradiri.

Anna, da Veniri spingiuta ed Era,
tostu ci dissi: - Dunni cori chiama

iri s'imponi! A mortu regi, regi

succedi sempri novu. Mortu Sicheu,

ca di l'Avernu veniri non poti,
cu t'impidisci di pinsari a chistu

ca ti mannò lu Fatu e ti suddisfa?

Non mi diri ca voi ristari sula,
tu ca picciotta si' d'amuri china

e bisugnusa ancora di carizzi.

Cridu c'a chistu Giuno lu spingivu
apposta nta stu lidu pi difisa

di stu nuvellu statu ca facisti.

Si fai menti lucali, a mia mi pari
ch'é l'omu giustu o postu giustu misu!

Pensa ca Tiru stissa ni minaccia,

c'a la to vita attenta nostru frati,

ca Getuli, Numidi, Barci e Sirti
tutti di fera razza ostili sunu

e sempri pronti a fari sulu guerra.

Unni lu trovi cca d'attornu 'n-omu
ca lu piaciri e lu sustegnu insemi

dari ti poti in ogni circustanza?

Metti da parti lu pudori anticu,

fallu squagghiari di lussuria e gola
e vidi ca si ferma cca pi sempri!

Ci fici suppa a stu discursu Didu,

c'a marcari si metti beddu strittu

pag. 56