Page 54 - SicilianaEneide

morti mi dati, ca di Polifemu
non vogghiu divintari pastu oscenu.

- Mancu finivu di parrari chistu

ca vittimu arrivari nta lu lidu
na turri d'omu pari a lu colossu

c'a Rodi truniggiannu 'n celu adergi.

Contru di "Nuddu" impreca e s'accuvaccia

supra nu scogghiu e cu la manu enormi
l'occhiu bruciatu sciacqua senza posa.

Tantu bastavu pi scappari muti

supra li navi e dari manu lesta
a li timuni ed a li remi in forza.

Lu Grecu, c'Achemenidi si chiama,

cu nui dividi ancora sorti e fatu.
Giru di la Sicilia

Sempri chiù sutta costeggiannu ancora,
ca riturnari versu supra dunni

Scilla e Cariddi appustamentu fannu,

nun si puteva certu, la scugghera
vidimmu di Megara e chidda janca

dunni Aretusa assicutata 'ncutta

di l'amurusu Alfeu nto mari tumma.

Oltri passammu e di Pachinu rupi
n'apparvi e di l'Eloru la schianata

e chidda di Vindicari stagnanti

e poi di Cammarina e Gela e l'alta
muntagna d'Agrigentu e Selinunti

finu all'estrema punta di Trinacria.

Morti d'Anchisi

A Drepanu firmammu li pruvati

pag. 52