Page 52 - SicilianaEneide
P. 52
pirchì la morti presagiva certu!
Lu ventu duci n'ammuttava versu
lu taccu ch'é d'Italia e di luntanu
si videva financu di Minerva
nu tempiu, ca presagiu ostili fui
d'Anchisi ritinutu, e perciò quatti
lu timuni girammu versu sutta.
Scilla e Cariddi
Tarentu surpassammu e poi Squillaci,
ma terra nun tuccammu ricurdannu
d'Elenu lu cunsigghiu, quannu avanti
vidimmu cumpariri li furenti
Scilla e Cariddi ca di fronti stannu
e guerra 'nsemi fannu a cu' sorpassa
lu strittu tra l'Italia e la Trinacria.
Flutti di jancu surmuntati ed auti
li dui guardiani vumitannu a mari,
non lassanu passari nudda navi
e nui lu largu ripigghiammu tostu
pi riturnari a costeggiari versu
L'Etna
chiù sutta ancora. 'Nfini stanchi morti,
ca già notti tummava, scanusciutu
golfu davanti chetu n'apparivu
e giustu parsi d'apprudari ddocu.
Da la muntagna suvrastanti luci
di focu spavintusa ed impruvvisa
in cielu si livavu a funtanella
e l'ecu rintrunavu di tunanti
rumuri ca lu cori n'agghiacciavu.
pag. 50
