Page 49 - SicilianaEneide

Butrintu greca guvirnava e regi
la plebi l'acclamava e l'onorava.

Assemi ad iddu Andromaca vineva

ca di regina aveva la curuna!
Ju ca la vitti a Troia nta li manu

di lu feroci Pirru ca pareva

lu stissu Marti tracutanti e forti

e nun capeva comu fussi statu
ca divintò di lu cugnatu amanti,

ci dissi di parrari da so vita.

Idda cu vuci trimulanti dissi:
- Enea divinu, ca crideva mortu

addifinnennu Troia com'Ettorri

fici, pi quali strati o purtintusi
eventi disirturi cca m'arrivi?

Forza e sustanza certu nun ti manca

e mancu allura ti mancava ciatu! -
- Pi vuluntati di me matri, dissi,

mi detti latitanti nta lu boscu

e quannu Greci e cumpagnuni foru

luntanu li tri miglia di la Frigia,
niscivu fora di la tana e manu

misi a lu remu cu sulerzia granni

pi ritruvari la luntana sedi
dunni Dardaniu vinni e fici razza.

- Ah, tu filici, ca circari puoi,

dissi Andromaca chiangennu, li cosi

c'Afrotidi to matri e lu distinu
t'apparicchiaru e tu l'avrai di certu!

Ju vita vivu ca nun é la mia,

dopu ch'Ettorri mortu mi purtaru.

pag. 47