Page 45 - SicilianaEneide
P. 45
cu ventu, lampi e trona, ca Giunoni
a Giovi ci arrubbavu nta lu sonnu.
Viulenti li marusi pi tri jorna,
(tantu quantu s'arripusavu Giovi!)
li navi timpistaru e ni pirdemmu
pirchì lu celu, cummigghiatu tuttu
di nuvuli, ammucciava suli e stiddi
e Palinuru, marinaru e capu
l'orientamentu persi immantinenti.
L’Arpii
Terra avvistammu scanusciuta a tutti
tra nuvuli currenti e contra ventu;
a forza di rimari cu sulerzia
versu d'idda curremmu e quannu stanchi
nto lidu li ricurvi navi foru,
davanti cumpareru 'nfuti campi
di virdi ricchi e sarvaggioli capri.
La caccia vinni facili e pi chistu
a Diana offrimmu doni e puru a Giovi.
Beddu ca l'ara si muntava in terra
e lu divinu focu s'addumava,
gracchiari si sinteru nta lu celu,
aceddi strani mai sintuti prima
e mancu visti, ca tummannu insemi
a precipiziu, di nausiusu stercu
lu campu cummigghiaru 'n tempu nenti.
Iddi la facci avevanu di fimmina
chiù gialla di la morti,lu panzili
flosciu e spurgenti comu d'animali,
li manu adunchi e l'ali di l'aceddi.
Capimmu allura c'arrivammu dunni
pag. 43
