Page 42 - SicilianaEneide

cu vuci chiangiulina ed inquietanti:
- Pirchì mi struggi, tu ca mi si frati?

Ju Polidoru sugnu, lu dilettu

figghiu ca Priamu cca mannavu quannu
iddu stissu lu compitu mi detti

d'allianza fari cu l'amici Traci

contru lu Grecu ca ni circundava.

D'oru e d'argentu carcu cca arrivai
ed appena la Fama strumbazzavu

ca vincitura fu Miceni a Troia

ju derubatu vinni d'ogni cosa
e poi scannatu a corpa di cuteddu

vibrati a tradimentu e cca lassatu

a marciri sen'essiri bruciatu.
Lu corpu mortu misi li radici

ed ora vivu prigiuneru afflittu

nta st'arbuscellu ca tu scippi e tagghi.
Scappa si poi, ca trappula murtali

sta terra ammuccia e lassami nta paci,

si paci é chista ca m'affliggi cca,

ca trasiri non pozzu nta l'Avernu. -
Li carni mi siccaru nta li robbi

e l'ossa m'agghiacciaru a ddu parrari.

Chiamati a cuncistoru i capitani
di li vintunu navi, si decisi

di lassari la Tracia di gran cursa.

Delu: L'oraculu pi bucca di Aniu

Li funerali fatti a Polidoru,

a moddu rimittemmu navi e remi

e cu gran lena a mari apertu jennu
all'isula di Delu ni firmammu.

pag. 40