Page 40 - SicilianaEneide
P. 40
ca tempu non ni detti d'apprudari,
mancavanu all'appellu deci navi,
ca lu vintusu tempu stramannavu
luntanu di la riva in alto mari.
Li cumannava Antenori truianu
ca, custiggiannu Enotria, li purtavu
unni lu Po s'immetti nta lu mari
e ddocu poi fundavu la citati
ch'é Paduva chiamata ed é truiana.
Chistu mi dissi Veniri me matri,
mentri, apprudannu, mi rammaricavu
pi la svintura ca ni capitavu.
La Tracia: Polidoru
Era la Tracia terra di Licurgu,
amicu un tempu di la ricca Troia;
pi chistu vi sbarcai cuntentu e certu
d'aviri asilu e ca sta terra fussi
puntu d'arrivu di lu me circari.
Ma comu mi sbagghiai! Ca sunu tutti
amici quannu la furtuna arridi
ma s'idda chiangi allura nun lu sunu!
Isavu già li mura nta lu lidu
di na citati ch'Eneiadi chiamassi,
quannu sciancannu 'n-arbuscellu virdi
di mirtu rigugliusu, ca crisceva
unni beddu l'altari si pinsava
d'assistimari, sutta l'occhi vidu
da li ramuzzi zampillari sangu,
c'orrendamenti a terra s'arricogghi.
Lu tempu non mi basta pi pinsari,
ca sentu diri a li sciancati rami
pag. 38
