Page 43 - SicilianaEneide

Si tu lu sai regina, é chista terra
sacra ad Apollu e cca lu tempiu accudi

Aniu so figghiu, di me patri amicu,

ca n'accurdavu n'accuglienza cara.
- Aniu, ci dissi, tu ca cca cumanni

danni rizettu a nui ca semu persi

e lassa ca d'Apollu figghi cari

putemu addivintari nta sta terra
rifacennu di Pergamu li mura

e lu tempiu di Thymbra ca ricordi

comu da Paridi ammazzatu vinni
Achilli grecu mentri si spusava

cu Polissena fatta prigiunera.

- Figghiu di Veniri dilettu, dissi,
'un é chista a terra ca vi fu prumissa!

Lu mari ripigghiati e navigati

finu a truvari la matrici antica
unni li figghi de to figghi e tu

padruni e forti rifaciti Troia.-

Si ricurdavu Anchisi c'arrivavu

da Creta l'avu so chiù anticu a Troia,
per cui pinsammu ca ni fussi chista

la matri antica d'Aniu numinata.

L'approdu a Creta

Cu la spiranza ca ni sustineva,

stanchi ma forti ripigghiammu mari
ed a Creta apprudammu liddi liddi.

Ridenti lidu suvrastatu a munti

di la muntagna, ca di naca fici

a l'avu Teucru comu dici Anchisi,
ni parsi e fummu pronti a strurri mura

pag. 41