Page 39 - SicilianaEneide
P. 39
Libru terzu
Priparativi pi lassari Troja
Li Greci infini cu li navi chini
di li ricchizzi c'arrubaru a Troia
versu la Grecia misiru li prori
e quannu scumpareru all'orizzonti,
niscemmu di lu boscu cu prudenza.
Dui squadri fici di sopravvissuti.
Ad una compitu ci detti chiaru
d'ispezionari la città distrutta
circannu di pigghiari tuttu chiddu
c'avissiru scurdatu li latruni.
L'autra nta la furesta la mannai
a prelevari trunchi cu la serra
pi fari ligna adatti pi li piri.
Pi deci jorna intantu brucia Troia
da lu focu attizzatu di li Greci,
mentri bruciannu stannu nta lu lidu
l'appruntati catasti di li morti.
Di la putenti Troia sulamenti
petri ristaru e cinniri di morti!
Incomincia l'esodu. Li primi disgrazi
Passò l'estati ad appruntari navi,
a priparari robbi, pani e vinu
e finalmenti cu trentunu navi,
mari pigghiammu versu l'occidenti.
Quannu arrivammu pressu di la Tracia,
lu mari s'ingrussavu e ni suspinsi
versu lu lidu. Dopu la timpesta,
pag. 37
