Page 36 - SicilianaEneide

di nuvul'assurtata nta la cursa,
Creusa lassannu senza protezioni,

ca non la vitti chiù d'arreri a mia.

A forza di circarla cu la vista,
la vitti nta la strata ca diceva:

- Non mi circari Enea ca trapassai.

Accussì vosi lu distinu scrittu

pirchì t'aspetta na muggheri nova
nta nautra parti di lu munnu novu,

unni tu scappi cu me figghiu vivu. -

A chiangiri mi misi e nun puteva...
Didoni cunsola Enea

Mentri cummossu Enea la vuci arresta,
Didoni lu cunsola e cu ducizza:

- non chiangiri, ci dici, ca la matri

nta sta terra truvasti pi to figghiu!
Ju sugnu cca pi chistu, stai serenu! -

Ricumincia a parrari Enea di novu

mentri ci ammodda na carizza duci.
L'ammucciata

Nisciutu fora di la persa Troia,
versu lu boscu a curriri mi misi

e doccu mi truvai d'attornu chiddi

ca su' li me cumpagni di svintura.

Unu mi dissi: - Figghiu di la Dea,
chi s'ha da fari? Forsi cca vinisti

pi farini turnari e cummattennu

morti onorata ritruvari a Troia?
Nui semu pronti a fari 'n-soccu dici.-

- A nenti, dissi, giova lu muriri

pag. 34