Page 31 - SicilianaEneide

e comu fussi 'n-cani l'arrimazza
dall'autu di la rocca ancora vivu

e poi la matri spogghia di li vesti

e la viulenta cu crudeli schernu
supra lu lettu ca d'Ettorri fui.

Idda di Pirru divintò l'amanti,

siguennulu nta Grecia incatinata

pirchì buttinu la cunsidiravu
'nsemi ad ancelli, robi e cosi d'oru.

Comu si salva Enea

Ora ti cuntu, o mia rigina, comu

niscivu indenni di ssa stragi granni.

Mentri Sinoni a lu cavaddu grapi
la panza china di surdati, jeu

durmeva stancu accantu a Creusa, matri

d'Ascaniu, ch'é me figghiu e lu canusci.
Durmeva Anchisi nta la stanza accantu,

unni me matri Veniri vineva

a cunfurtarlu ancora certi voti
pì la vicchiania ca lu turmintava.

L'avvisu di Veniri. Invitu a scappari

Putiri non sapevu lu misfattu

ca s'apprissava e certu mortu furra

si nta lu sonnu nun vineva tostu

me matri Veniri ca dici: - Figghiu,
ca dormi comu 'n-angileddu, surgi,

ca Troia sta bruciannu e nun lu sai.

Li Greci dintra di li mura sunu
ca lu cavaddu di lignami struttu

surdati vumitavu nta la notti.

pag. 29