Page 27 - SicilianaEneide

ed accussì, sicuramenti i Greci
in ogni casu lu vantaggiu ci hannu

di stu cavaddu a perdiri vutatu.

Surtilegiu e morti di Laocoonte

Appena finivu di parrari chistu,

a cunfirmari li paroli avvinni
na cosa purtintusa e spavintusa.

Rivugghiri si vitti di scumazza

lu mari d'improvvisu e dui sirpenti,

ca Palladi mannavu apposta ddocu,
enormi comu fussiru dui draghi,

surcaru l'ondi a precipiziu e junti

ca foru nta la riva dritti dritti
puntaru dunni cu li figghi stava

Laocoonte prontu a riplicari a tappu

a ddu parrari cunvincenti e chiaru.
L'unu li figghi afferra cu li spiri

e l'autru lu patri e senza diri piu

li lassanu sprimuti e morti in terra,
e subitu currennu scumpareru

sutta lu scudu di Minerva all'ara

di la pussenti rocca dda vicinu.

Lu sangu nta li vinni n'agghiacciavu
a ddu purtentu ca ni dimustrava

ca ddu cavaddu sacru arrisuttava

e ca Sinoni dissi cosi giusti.
Lu cavaddu trasi a Troia

Immantinenté l'ordiné fu datu
di rumpiri li porti ditti Scee

pi fari indenni trasiri in citati

pag. 25