Page 24 - SicilianaEneide

davanti a li pussenti mura sulu
'n-cavaddu enormi fattu di lignami

lassatu ddocu di li juti Greci.

Comu sempri succedi ca l'accordu
tra l'omini nun c'é, ci fu cu' dissi

di dari focu a dda speci di mostru

e cu' pinsava di trasillu dintra.

Ma nuddu mai pinsavu c'ammucciati
li navi foru di l'astuti Greci

arreri all'isula ca dirimpettu

surgeva a mari e ca la panza cava
di ddu mostru surdati cuntineva

li chiù pussenti tra l'argivi eroi.

Nto mentri ca la genti cuntrastava,
cunvinta di la fini di la guerra,

Laocoonte agghica ca gridava: - Scemi!

Ma chi pinsati ca su' tantu fissa
li Greci ca muddaru l'ossu e puru

nu rialu ni lassaru accussì grossu

dopu deci anni di furenti guerra?

Iddi ammucciati sunu certamenti
e la panza di ssu cavaddu cela,

cu sapi quali mirabulanti inganni.

Li Greci temu ca regali fannu! -
Chissu dicennu di luntanu 'n-corpu

viulentu detti di lanciatu dardu

contru la panza ca di cavu situ

l'ecu s'intisi e lu rumuri dintra
di l'armi tintinnanti di l'Achei.

Sinoni

'N-avversu Numi c'intuppò l'aricchi

pag. 22