Page 25 - SicilianaEneide

e non capimmu l'evidenti ingannu,
ca videmmu arrivari incatinatu

spingiutu a forza comu 'n-animali

'n-surdatu grecu ca chiangennu dici:
- Sinoni sugnu, grecu ma scappatu

di la prigiuni di li regi Atridi

pirchì di Palamedi figghiu, feru

nimicu di l'astutu Ulissi. Persi
onuri e libirtà....Ma chi vi cuntu,

s'incatinatu sugnu e cuntistatu

da Licii e Greci nta lu stissu tempu?
Nun ha 'mpurtanza cu' m'ammazza prima;

mi tocca sulu morti e stari mutu.-

Essennu nostr' usanza di trattari
umanamenti cu' s'arrenni, specie

si cosi dici di l'oppostu campu,

vinni strugghiutu st'omu ca chiangeva
e 'nvitatu a parrari senza tema.

Li lacrimi asciugannu cu li manu

ripigghia lu discursu stu birbanti:

- Stanchi li Greci di sta guerra longa,
pi volontà di tutti fu decisu

di riturnari in patria, ma salpari

li navi non puteru ca lu mari
s'opposi cu viulenza a lu ritornu.

Chiamatu fu Calcanti, lu mavaru,

ca dissi ch'era stata trafugata

non sacciu quali cosa di Nettunu
e pì calmari l'adiratu numi

dui cosi bisugnava cumplitari:

fari stu simulacru, ca viditi,

pag. 23