Page 26 - SicilianaEneide

d'acerbu lignu e sutta sacrificiu
offriri di na vita d'omu grecu,

lassannu tuttu nta lu lidu spogghiu.

Fu fattu lu me nomu da Calcanti,
ca ci lu dissi in sutta l'Odisseu

dall'odiu spintu contru Palamedi,

ch'era me patri e so nimicu feru.

Comu 'n-salami appisu vinni giustu
sutta la panza du cavaddu i lignu,

ma Tritoni, mannatu di Nettunu,

di notti vinni e mi fingivu mortu.
Ora ca sugnu prigiuneru vostru

abbannunatu da li me cumpagni,

é giustu ca vi dicu 'n-soccu dissi
di stu cavaddu lu mavaru grecu:

Siddu lu distruggiti, u mari grossu

arreri fa turnari e navi e Greci
e Diu cunsenti d'abbruciari Troia.

Ma siddu fattu trasiri in citati

stu simulacru veni, allura Troia

la citati chiù granni di lu munnu
pi vuluntà divina t'addiventa

e li figghi de figghi di li greci,

c'arreri si ni jeru cu li navi,
ad unu ad unu venunu ammazzati

pi manu di lu vostru niputami.

Pi chistu cunsigghiò Calcanti a tutti

di fari enormi stu cavaddu i lignu,
ca non putissi pi suverchiu coddu

passari sutta l'arcu di li porti

ed essiri purtatu tra li mura

pag. 24