Page 29 - SicilianaEneide

dd'orrendu mostru ca di quattru roti
vinni furnitu e trascinatu a forza

dintra li mura comu fussi 'n-santu.

Lu truculiari di ddu lignu cavu
e lu rumuri surdu rintrunanti

di l'armi dintra chiusi e lu firmarsi

pi quattru voti 'nnanzi a la muragghia

ca prisaggiva la svintura, nenti
desistiri ni fici di tirarlu

ed ammuttarlu tuttu finu a dintra.

Sinoni, accoltu comu salvaturi
e comu messu di Minerva stissa,

trattatu vinni cu rispettu e tattu

e finu a sira tarda ringraziannu
'nvitava tutti ad onorari Baccu.

L'ingannu realizzatu

Scinni la notti senza luna e stiddi,

ca Giovi cunsintivu d'ammucciarli

pi fari chiù scurusi terra e mari.
Comu sirpenti sciddicannu a mari

li navi muti muti di la tana

nisceru e vumitaru nta lu lidu

surdati pronti ad assartari Troia,
mentri Sinoni c'arristavu svigghiu

la panza cava aprivu allegiu allegiu,

di lu cavaddu truniggianti in chiazza,
dunni scinneru cu na corda Epeu,

lu falignami, Ulissi, Acamanti,

Neottolemu, Macauni, Menelau,

Tuante ed autri funesti tradituri,
ca quatti quatti comu tanti jatti

pag. 27