Page 33 - SicilianaEneide

all'orizzonti tracuddati sunu,
fora nisciti di li tani e tostu

navi appruntati di pisanti lignu.

Dda supra caricati li Penati,
l'armi c'aviti ed ogni cosa cara

e poi lu mari cu lu ventu in puppa

surcati finu a quannu lu distinu

vi porta nta na terra, ca di Troia
sarà non sulu figghia naturali

e giusta ma patruna di lu munnu.

Chistu ti dicu figghiu e ti promettu!-
L'arti di diri e di non diri

(Nutati comu nuddu verbu fici
di Roma ne d'Italia lu bravomu,

ca daccussì Didoni, c'ascutava,

Cartagini pinsassi addisignata
pi tali cosi ca la Dea diceva!

Chist'é l'arti di diri e di non diri

dicennu a viritati a menza 'ntisa,
ca ti lassa capiri e non capiri

o cridiri na cosa anziché nautra.

Di st'arti mastru senza pari Enea,

ni fici l'arma chiù suttili e fera
ca nta lu solu italicu purtavu

e dura ancora si ci riflittiti!).

Enea cumincia a scappari

Svigghiatumi ca fui di fora vitti

lu focu ca sbambava e stinnicchiata
gnuni gnuni la genti ca mureva

e li surdati greci assassinari.

pag. 31