Page 32 - SicilianaEneide
P. 32
Già Pergamu e la reggia chiù non sunu,
Priamu murivu e li so figghi tutti
Plutoni nta l'infernu già l'accogli,
ca l'opira chiummivu Niottolemu,
figghiu d'Achilli ch'é chiamatu Pirru.
Tu moriri non poi ca t'assignò
lu Fatu la vintura di scappari
pi fari poi minnitta di sta stragi
cu li figghi de figghi de to figghi.
Scappa figghiuzzu miu, ca nun c'é scampu.
Giunoni stissa, Apollu e Puseidoni
abbattunu li mura di la rocca,
lu focu attizzanu nte casi e dannu
diretti indicazioni p'ammazzari
nto sonnu li chiù forti to cumpagni
e tu si vivu ancora pirchì Veniri
lu voli e lu distinu. Non tintari
di salvamentu dari a quant'é persu!
"Una salus victis restat": scappari,
ca 'un é virgogna si la vita salva!
Raggruppa quanti sunu ancora vivi,
e versu la muntagna tra li boschi
e nta li grutti stativi ammucciati.
Li greci intenti sulu a rapinari,
cuntenti di la fini di la guerra
disianu sulu di turnari vivi
quantu chiù prestu in Grecia cu li navi
e nun cercanu certu d'acchiappari
cu scappa e cu s'ammuccia. Sori stati
finu all'imbarcu supra di li navi
di li vincenti greci e dopu, quannu
pag. 30
