Page 35 - SicilianaEneide
P. 35
Capivu ca me matri dissi giustu
e ch'era cunvinenti la scappata.
Ondi per cui a me patri m'impunivu
supra li spaddi, Ascaniu mi pigghiavu
pi la manu ed a Creusa dissi dopu
di veniri darreri. Daccussì
da porta nesciu e curru tra li casi,
sempri guardannu avanti pi truvari
sulu la strata giusta pi scappari,
senza taliari arreri a me muggheri.
Mentri ca curru vidu a Menelau,
ca la muggheri arricupigghia infini;
d'Elena parru la causanza prima
di la svintura nostra pi li corna
ca Paridi ci fici o re spartanu.
Pari na picuredda appressu ad iddu
ca vidu soddisfattu fieramenti.
Ammazzari vulissi cu la spada
dda fimmina fatali ma c'é tempu
appena appena di fuiri e scappari.
Tirata pe capiddi vidu ancora
Cassandra ca predici mali jorna
a cu la staci trascinannu arreri.
Pirru cu l'armi di lu patri vidu
ca nesci di la reggia acerbu e lordu
du sangu sparsu di l'inermi regi.
Scantunu a precipiziu ca me matri
non voli ca lu 'ncocciu pirchì chissu
ammazzatu m'avissi certamenti.
Mori Creusa
Anzi mi cummigghiavu me matruzza
pag. 33
