Page 47 - SicilianaEneide
P. 47
mannati foru li schifusi Arpii
da la dimora di Finneu pintutu.
Chidda ca pari cumannassi, dissi:
Predizioni di l'Arpia Cilenu
- Cilenu sugnu, la maggiori Arpia,
e si pinsati di chiantari cca
li vostri casi vi sbagghiati assai
ca cummigghiati siti senza tregua
di merda e fetu finu all'infinitu.
P'aviri vui, ca discendenti siti
di Laomedonti, li me capri morti
la me maledizioni aviti 'ncoddu
e siddu lu distinu voli certu
c'arrivati unni voli Giovi patri,
ju vi predicu fami, siti, peni
e duluri a catina senza fini! -
Lu scantu da jastima la rigina
liggivu nta la facci di l'eroi
e lu rassicuravu cu ducizza:
- Finisti di patiri amicu miu,
ca cca truvasti paci e cumprensioni. -
Enea ripigghia lu discursu e dici:
- A tia ringraziu ed a me matri puru,
ca mi cunsigghia e sprona di pusari
li spaddi nta lu lettu di Sicheu.
Certu Cilenu mi fici scantari
ma capiri mi fici di scappari
quantu chiù prestu di ddu postu bruttu.
Sbarcu ad Azio
Ancora supra di li navi misi
pag. 45
