Page 51 - SicilianaEneide

si tu li guardi, sunu chiddi Scee
e tutta la città ricarca Troia.-

Era d'alteru aspettu divintata

mentri cuntava Andromaca sta storia
ed Elenu cuntentu la seguiva.

Cunsigghi d'Elenu

Iddu, ca fama aveva di magia,

quannu partenza avvinni da Butrintu

mi dissi di scanzari d'apprudari

nta li costi d'Italia dda vicini,
ch'eranu tutti regni greci ostili

pi l'odiu anticu contru di la Frigia

e li me navi mi linchivu d'oru,
d'argentu, mangiarizzi e vinu russu.

Astutamenti nun aggiunsi Enea

ch'Elenu di l'Italia dissi ancora
cosi, ca megghiu nun sapissi Dido,

ma precisavu ca nun ci azziccavu

ddu celibri mavaru supra d'iddu
dicennu ca li Numi avia a favuri,

pirchì strazziatu vinni finu ad ora

di li malanni li chiù tinti. Tantu

ca infini nta li Sirti persi puru
chiù di mità di tutti li so navi.

(La manu ci stringivu la rigina

e cu l'occhi ci dissi ca 'nsittavu!)
Giru attornu a lu taccu d'Italia

Partimmu infini ca lu patri Anchisi
primura dimustrava d'arrivari

prestu dunni lu Fatu lu vuleva,

pag. 49