Page 56 - SicilianaEneide
P. 56
ligna, ca chetu portu n'accuglivu
di virdi circundatu e di profumu.
Cca nta stu postu amenu e sulitariu
Afrotidi me matri silinziusa
vinni ed Anchisi in Adi accumpagnavu
pi sempri, senza ca Celenu e mancu
Elenu e nuddu mi l'avissi dittu.
La morti d'impruvvisu vinni e Diu
Penatu Anchisi divintavu. Mesti
lu mari ripigghiammu, ma timpesta
o forsi Numi avversu ni invistivu
ed ora mia regina semu cca,
cu suli setti navi sfasciatizzi,
stanchi e minnichi senza lu sapiri
la sedi ca n'aspetta e lu pirchì
di tantu accanimentu di li Dei
contru a cu persi lu caluri ambitu
di la famigghia, di la patria e tuttu.
Finennu di parrari cu na manu
Enea li lacrimi s'asciuga, mentri
cu l'autra stringi chidda di Didoni.
pag. 54
