Page 60 - SicilianaEneide

ad impalmari la finicia Dido
pi putiri allargari lu so regnu.

A Giovi patri si rivolgi Jarba

dicennuci precisu, a quantu pari,
ca lu figghiu d'Afroditi chiù vali

di lu figghiu di Giovi e forsi puru

di Giovi stissu ca non cunta nenti

si Dido poti fari certi scelti!
Lu patri di li Dei calavu l'occhi

supra lu lidu libicu e s'adduna

ca l'omini di Troja cu sulerzia
isavanu li mura di Cartagu.

Capivu a volu 'n-soccu succideva

e cu li labbra risulenti dissi:
Interventu di Giovi

- Putenza di l'Olimpu guarda quantu
poti in terra di fimmina lu pilu,

ca di canciari tenta lu distinu

e quasi quasi ci rinesci puru! -
Indi a Mercuriu chiama e lu cumanna

di scinniri nta Libia e di parrari

a lu trujanu cu paroli giusti

di chiddu c'havi a fari e nun ha fattu.
Mercuriu cala comu na vampugghia

o comu na farfalla (si vi piaci!)

supra lu campu liciu, d'omu pigghia
aspettu e furma, cerca senz'indugiu

Enea ca ripusava ed accussì

ci parra beddu schiettu: - Mercuriu

sugnu, pusteri di l'Olimpu e latru,
ma cca non vinni certu p'arrubbari.

pag. 58