Page 61 - SicilianaEneide

Giovi mi manna pi parrari chiaru.
Chi ti scurdasti, figghiu di la dea,

lu to distinu di fundari Roma

e di minnitta fari di li greci?
Chi fai nta st'africana terra, ostili

a li dittami noti di lu Fatu,

ca puru mura allesti contru Roma?

Mi dissi Giovi ca du' voti già
la peddi ti sarvavu e nun c'é terza.

T'avvisa ca nta st'angulu di terra

c'é 'n-omu 'ntisu e di sustanza prontu
a fari chiddu ca non potti Pirru,

ca to matri di velu ti cuprivu

e scampari putisti di la stragi.
Nun ci sarà sta vota protezioni

e l'ossa cca tu lassi e li Penati,

pirchì contru lu Fatu ti cumporti.
Beni facisti ca di sta Didoni

ti scapricciasti comu tu vulisti,

ca l'omu é cacciaturi e pari giustu

lu mettiri l'aceddu nti la jargia
finu a quannu lu Fatu nun s'intacca.

Lu stissu Giovi quannu ci piaceva

na fimmina davveru, in milli modi
si tracanciava ma nun lu scurdava

ch'era sempri lu patri di li Dei!

Iddu di cignu, toru e lacrimusa

cascata d'oru p'amurusu amplessu
pigghiò la furma, ma ristavu Giovi!

Pi chistu Giovi mi t'arraccumanna

di cogghiri li pupi e di partiri

pag. 59