Page 66 - SicilianaEneide

Partissi Enea dunni voli Giovi,
ma l'ultima nuttata ci la dassi

d'amuri veru, chinu e senza fini

pi stampa aviri duci e frisca d'iddu
nta l'arma e nta lu cori sempiterna.

Mentri ca parra e quasi lu cunvinci

Anna a lu lidu, Didu a li surdati

l'ordini duna d'abbruciari tostu
li navi frigi nto mumentu giustu

ch'Enea la scala acchiana di la reggia.

Ma dopu ca la soru di Didoni
lassa li navi, Ermeti arriva tostu

cu l'ali aperti nta li peri e dici:

- Attentu Enea ca trappula pripara
la rigina, ca mentri tu cu d'idda

ti ni giaci, li navi a focu vannu.

Ascuta 'n-soccu dicu e nun tardari,
l'ancuri leva , movi lu timuni,

metti manu a li remi e poi a li veli,

ca prima parti e megghiu lu distinu

t'assisti a ritruvari giusta rotta,
magari siddu chiovi e tira ventu. -

Dispirazioni di Didone

Enea l'ascuta e Palinuru allura

la trumma sona e partunu li navi!

Quannu li rimi li purtaru avanti,
Didoni vitti all'orizzonti sulu

lu jancu di li veli ca lu ventu

vunchiava alluntanannu e lu disertu

portu tra l'assistati scogghi a mari.
Capivu ca finivu lu rumanzu

pag. 64