Page 50 - SicilianaEneide
P. 50
Pensa ca ci haiu cca la tomba leggia
di lu me primu favulusu amuri
e cca lu chiangiu comu fussi china.
Li notti pensu ca passai filici
e lu duluri pi l'avversu Fatu,
ca detti morti ad iddu e schiavituti
a mia. D'allura chiù non vivu! Sappi
ca Pirru mi pigghiavu la notti stissa
di la cascata di la nostra casa.
Accussi comu fannu li sarvaggi
belvi, lu nicu figghiu m'ammazzavu
ch'era d'Ettorri la simenza viva
e lordu ancora di suduri e sangu
mi viulintavu e schiava mi purtavu
unni m'attrovi e dopu mi spusavu
pi fari vantu di minnitta antica
contru li Troi c'ammazzaru Achilli.
Ma comu Pirru fu d'amuri puntu
pi Ermioni, ch'era già d'Oresti zita,
schiava mi detti a schiavu da me razza
ca tu cu mia lu vidi ed é fratastru
di Paridi ed Ettorri. Ma non fici
a tempu Pirru di spusari ad idda,
ca d'Oresti la manu supra d'iddu
furenti s'abbattivu e viduvanza
nova lu Fatu m'assignavu assemi
a regnu e schiavu, ca maritu vosi
addivintassi ed accussì guverna
d'Iliu lu sangu nta lu grecu Epiru.
Lu ciumi ca cca sutta scurri Xantu
lu chiamammu e li porti di Butrintu
pag. 48
