Page 79 - SicilianaEneide

di mettiri la cuda in menzu l'anchi
pi la mustrata di la rosa d'oru.

Lu campu appressu ca ci cumparivu

era abitatu d'infantili genti,
ca morti foru prima di nasciri.

Dopu stu pratu d'angiuli chiamatu,

Minossi c'era ca la cuda gira

e l'animi spidisci nta l'Avernu
a secunna di l'opiri chiummuti.

Lu campu segui di fangusa mota

di chiddi ca la vita si livaru
ca nasciri vulissiru di novu.

D'accantu sorgi la ciuruta sedi

di chiddi ca mureru pi l'amuri.
Vitti tra d'iddi Paridi buttanu,

Didoni ca s'abbrazza cu Sicheu,

ca pirdunatu aveva la muggheri;
la facci nun ci apporta di parrari

ne mancu la rigina lu straguarda.

Prusegui lu camminu e tostu agghica

unni li morti valurusi stannu
ca persuru la vita cumbattennu.

Enea rividi li cumpagni morti

sutta li mura di l'antica Troja
ca ci si fannu attornu cu gran festa

e chiddi di li greci ca li scansa.

L'ummira ricanusci di Deifobu,

sfriggiatu nta la facci e senza nasu.
Ad iddu ni dumanna la cagioni

e cu duluri e chiantu la canusci:

comu fu Paridi ammazzatu, d'Elena

pag. 88