Page 83 - SicilianaEneide

di la muderna e di l'antica Roma,
non trascurannu a nuddu di ddi spirdi

ca 'ntantu l'acqua bivunu di Leti.

Parra di Deciu, di Camillu, i Gracchi,
i Drusi, di Catuni puru e Scipiu

e di l'illustri pirsunaggi tutti

di lu rumanu imperu e comu nasci.

Paroli spenni e versi strogghi arcani
ca cantanu la gloria e la putenza

di la famigghia Giulia ca cumanna

e cunta a Roma e ca discinni d'Ilu.
Parra financu di virtuti muti

ca nesciri non ponnu pi la morti

c'avvinni primatura di 'n-picciottu,
Marcellu dittu, niputeddu strittu

d'Augustu, imperatori nto mumentu

ca Virgiliu scriveva st'epopea!
'Mbriacu di nomi, fatti e fatticeddi

Enea ristavu, dopu c'Anchisi posi

fini a lu so parrari, ma lu scopu

di lu Penatu certamenti fui
chiddu di farici capiri a funnu

a ddu so figghiu ca scappava sempri,

di la futura Roma la putenza
e non particulari accadimenti

di lu futuru statu naziunali.

P'agghicari precisu e stu finali,

Anchisi appena cessa di parrari,
dopu li soliti saluti e chianti,

fa nesciri a so figghiu da l'Avernu

pi lu purtuni di li Sogni fausi,

pag. 92