Page 87 - SicilianaEneide
P. 87
non si scorda di la prumissa fatta
ed a Trituni ci cumanna a tappu
d'ammuttari li navi chiù luntanu.
La paci riturnavu nta lu mari
ch'era silenti e chinu di spiranzi.
L'approdu ‘nto Laziu
Senza svinturi e senza avvilimenti
prusegui allegramenti lu camminu
di l'assurtati navi quannu cessa
di bottu l'ammuttata di lu ventu.
Volgi d'attornu l'occhiu scrutaturi
l'eroi ca capitanu addivintavu
dopu la morti di lu so nuccheri.
Davanti vitti 'n-fittu boscu virdi,
tagghiat' in menzu di nu corsu d'acqqua
ca biondu cuntrastava cu lu virdi
e ca traseva duci nta lu mari
e l'acqui cunfunneva di culuri.
Cu sulerti rimata nta ddu lidu
agghica e sbarca la trujana schera.
Capivu Enea ca la latina terra
avia davanti, ca l'aceddi 'ntisi
cantari e svulazzanti fari in celu
li milli jochi ca 'nsignati foru
da Veniri a so figghiu tempu arreri.
Situazioni pulitica di lu Laziu
A chistu puntu di la narrazioni
cunveni ca si parra tanticchedda
di chiddu ca successi nta lu Laziu
prima di la sbarcata di li Teucri,
pag. 96
