Page 86 - SicilianaEneide
P. 86
Libru settimu
Si torna a navigari
A navigari si ritorna dopu
li funerali di l'amata vecchia.
Lu vinticeddu duci di punenti
spingi li navi duci duci a mari,
ca mantinivu la prumissa fatta
lu diu Nettunu a Veniri ciprigna.
Supra lu carru risplindenti Apollu
nto celu incedi, ca lassò lu passu
la trepidanti Aurora riflittenti
nta l'azzurratu mari li culuri
di l'oru e di l'argentu cuntrastanti.
Attenta ma serena d'Enea la vista
luntanu l'orizzonti scruta e mira
l'infinita grannizza di lu mari,
mentri la menti volgi a lu futuru
e lu cunfronta cu dda luci bedda
ca tuttu abbaglia ed azzittisci u munnu.
L'isula di Circi
Ma d'impruvvisu lu silenziu é ruttu
ca grugniti di porcu, grida e chianti
senti acchianari nta lu celu chiaru
dall'isula ca stannu surpassannu.
E' l'isula di Circi la mavara
ca ci havi lu putiri di scanciari
in porci l'omini ca vidi e tocca.
Enea cumincia ad essiri agitatu,
ma picca sulamenti, ca Nettunu
pag. 95
