Page 84 - SicilianaEneide

ca daccussì ricordu vagu resta
di l'ascutati fatti e lu sinturi

sulu e vivu nta l'anima ci lassa

di chiddu ch'é 'mpurtanti veramenti.
Di l'autra porta di l'Avernu nesci

cu sta pi riturnari nta lu terra,

ca daccussì si scorda interamenti

chiddu ca 'ntisi e visti nta ddu munnu.
Fora di l'Avernu

Iddu cuntritu nesci di l'Avernu
tanticchedda 'ntrunatu ma cuscenti

e la cunferma certa nta la sacca

ca tuttu ddu scappari infini servi
a fari d'iddu e di la so famigghia

lu basamentu di futuru vantu

tra populi vinturi e scanusciuti.
A la Sibilla paga lu disturbu

d'oru e d'argentu dannu tanti cosi,

ca daccussì acchiappannu la mavara
sempri chiù ricca e china ti diventa.

Parrannu di mavari....

Di sti sibilli Roma n'ebbi tanti

e nta li nostri tempi na caterva

ci n'é ca cartumanti e maghi sunu

ed hannu la pritisa di sapiri
cosi futuri da li morti ditti,

e bellamenti truffanu la genti,

pirchì minchiuni e scimuniti, comu
st'eroi trujanu ca scappannu jeva

e truvari vuleva cosi streusi,

pag. 93