Page 89 - SicilianaEneide

pi sapiri lu comu e lu pirchì
di guerri già saputi di l'eroi.

Era Latinu, di lu Laziu u regi,

omu tranquillu e figghiu predilettu
di lu Saturniu Faunu e di Marice,

ca nacqui di casatu laurentinu.

Sutta stu regi ch'era saggiu e bonu

la paci nta stu situ ci rignava,
tantu ca Marti cca vineva sulu

pi fari amuri e sessu cu Ciprigna

mentri Vulcanu a casa travagghiava.
Na figghia sula aveva re Latinu

pi vuluntati stabilita in celu,

ca la curuna di lu patri 'n-jornu
nta testa avissi avutu certamenti.

Lavinia si chiamava sta carusa,

bedda d'aspettu e signurina ancora.
Pritindenti n'aveva chiù di centu,

ma chiddu ca pareva chiù sicuru

d'arrivari a lu talamu cu d'idda

era lu re de' Rutuli, ca Turnu
si chiamava ed aveva lu cunsensu

d'Amata, madri di la picciuttedda.

Presagi

Ma re Latinu nun accunsinteva,

pirchì prudigi strani nta la reggia
ci foru tanti e nun si cunvinceva.

Prima nu sciami d'api s'abbattivu

in cima all'arvulu d'alloru natu

nta la citati antica di Laurentu
e nicu nta la reggia trapiantatu.

pag. 98