Page 91 - SicilianaEneide

lu regnu di Laurentu nto futuru. -
Si sparsi tra la genti sta nutizia,

mentri tuccava terra la cumacca

di li trujani, ch'eranu stranieri!
Li Trujani s'accampanu

Tirati a siccu li ricurvi navi,
l'accampamentu subitu appristaru

nta l'arinusu lidu li trujani,

ca di robusti palizzati vinni

cintatu comu na citati nova.
La notti intantu scinni assummurusa

e supra l'appruntatu artaru Enea,

sacrificannu chiù di centu agneddi,
a Giovi chiedi 'n-signu di cunferma

ch'é chista la prumissa terra avita.

Nu lampu d'oru squarcia l'orizzonti
ca s'adduma di luci e di culuri

e senza malutempu ne chiuvuta.

Capivu Enea lu signu e s'acquetavu.
L'Aurora tingi cu rusata manu

lu primu jornu c'agghiurnavu ddocu.

Esplorazioni

L'eroi si leva di matinu prestu

e guarda attentamenti attornu dunni

lu jornu prima s'accampavu a casu.
Lu Teviri di certu ci havi a latu,

ca sfocia nta lu mari e di dda banna

lu Numicu chiù nicu, ch'é cunfini
tra Rutuli e Latini. Limitanti

a la furesta scissa da lu Tebru,

pag. 100