Page 93 - SicilianaEneide

e nta lu tronu assisu, la ricevi.
Pi primu pigghia la parola e duna

lu benvenutu ca già sapi d'iddi

l'origini luntana e li svinturi.
Voli sapiri chiddu ca po fari,

si sunu di passaggiu e la timpesta

li fici dda 'ncappari oppuru siddu

sbarcaru pi ristari dda pi sempri,
ca lu Latinu é populu ospitali,

comu Saturnu primigeniu voli,

ed iddi sunu ben accetti sempri.
Ilioneu ci arrispunni e dici: - Giovi

t'ispira o re Latinu, pirchì parri

e dici 'n-soccu voli u nostru Duci,
ca cca purtavu li ricurvi navi

a ripusari in siccu dopu l'atru

distinu c'affussò la patria nostra.
Iddu ni manna a dumannari a tia

paci e rizzettu nta la terra tua

e d'accittari li prisenti doni,

ca Veniri pirmisi di sarvari
da la citati nostra ca mureva.

Iddu s'aspetta, comu u Fatu voli,

ca li stissi Pinati nto futuru
Teucri e Latini aviri ponnu 'nsemi,

pi grazia tua ca cca cumanni e regni.-

Ascuta assortu re Latinu e pensa

a chiddu ca ci dissi nta furesta
Faunu saturniu ed arrispunni tostu:

Prumissa di amicizia e patti

- Accettu la richiesta e puru i doni.

pag. 102