Page 98 - SicilianaEneide

Idda a so figghia la pruteggi tostu
e nta lu boscu dintra si la porta.

Allettu allura muzzica lu crocchiu

di fimmini accurruti e na caterva
di genti si riversa nta lu boscu.

Cumparunu banneri e scritti osceni,

ca pari c'arrivavu u sissantottu!

S'inneggia a Baccu ed abballannu vannu
comu baccanti nta lu jornu datu

le laurentine ca di bottu sunu

perfetti suffraggetti divintati.
Nun s'accuntenta Allettu ca scurazza

in lungu e largu nta lu spaziu novu,

pirchì di Turnu nta la reggia tumma
e l'aspettu pigghiannu di na vecchia:

Allettu sobilla Turnu

- E bravu a Turnu, dici, ca li corna

troici supporta! Lu cunigghiu Enea,

ca di Miceni l'armi elusi a Troia,
scappannu a precipiziu, cca t'arriva

ed a tia regi d'estrazioni greca

e zita e regnu futtiri ti voli!

Ma chi ti scurri l'acqua nta li vini
oppuru fimmineddu arrisuttasti

ca sulu pi figura in menzu all'anchi

l'attributi di masculu purtasti? -
Lu Rutilanti regi, ca già sapi

di re Latinu li maneggi e pensa

ch'é giustu certu ca lu patri dugna

la figghia pi muggheri a cu' ci pari,
d'Allettu muzzicatu e prujncutu,

pag. 107