Page 103 - SicilianaEneide

Libru ottavu

Turnu spadruneggia a Laurentu

e pripara la guerra ad Enea

Turnu a Laurentu la bannera leva

di lu depostu regi e la so trumma

sunannu ammassa li surdati a schiera,
ca d'ogni parti arrivanu pridannu

ciuciari e campagnoli di lu Laziu,

ca nimici non sunu certamenti.

Ma chistu picca vali pi Mezenziu,
Ufanti e Massapu, cui nun ci pari

veru di mettiri li manu supra

lu regnu riccu e chinu di Latinu.
A Diomedi, arruccatu nta l'Enotria,

si manna a diri ca sbarcaru i turchi

troici vinuti pi minnitta fari

contru li greci c'abbruciaru Troia.
Dopu c'Allettu fici stu casinu

a dispirari riturnavu Enea

e lu chiantu nta l'occhi ci cumparsi
ca paci ricircava e s'attruvavu

guerra furenti d'affruntari sulu.

E chi puteva fari cu na picca
di dispirati contru mura arditi

di citati putenti e ricchi d'armi?

Sognu d'Enea

Afflittu e stancu di pinsari chiddu

ca fari chiù non poti, Enea lu sonnu
ca ci mannò la matri lu ghirmivu

pag. 112