Page 106 - SicilianaEneide

e, comu Teviri divinu cunta,
circannu vai cumpagni e difinsuri,

a tia ni vegnu cu li manu in manu,

puru si grecu si' nimicu feru
di Troja ca bruciò di grecu focu.-

Lu tranquillizza Evandru ca dichiara

ca nta l'Arcadia con Anchisi fui

fraternu amicu e ch'era ad iddi dui
piriculu cumuni la cumacca

ca Turnu cumprindeva e l'autri regi.

Di quattrucentu cavaleri sulu
disponi Evandru e tanti ci ni duna

ca chiù non poti la citati nica,

ch'é tutta ddocu comu po' vidiri.
Lu vecchiu Evandru l'omini ci affida

e lu figghiu Pallanti ca li guida.

Inoltri a canuscenza porta d'iddu
di la rivoluzioni di Tarconti

ca cacciavu d'Agilla re Mezenziu

e va circannu 'n-generali novu,

ca sia stranieru comu voli Febu,
pi chiù di milli militari etruschi

e fari guerra contru li latini,

ca dettiru riparu o re cacciatu.
E' daccussì ch'Enea, diventa capu

di 'n-allianza 'mpruvvisa e 'mpruvvisata

d'etruschi, arcadici e trujani, pronti

a cuntrastari lu latinu imperiu.
Si cunnucivu l'eroi a Pallanteu,

l'arcadicu villaggiu ca di Roma

futura divintò lu centru, finu

pag. 115