Page 109 - SicilianaEneide
P. 109
di tutti ddi vicendi e ddi figuri
pirchì ricordu cancillavu tuttu
di quantu Anchisi dissi nta l'Avernu.
Ma chiddu ca perplessu a mia mi lassa
é comu fici a stampigghiari tantu
lu Diu Vulcanu nta stu scudu nicu,
ca rapprisenta ddocu, a diri pocu,
na dicina di seculi di storia.
Appari chiaru quantu spertu fussi
st'omu piu, ca, tuccatu duru, cerca
e trova cu paroli giusti amici
tra li nimici di li so nimici
e comu nta l'Italia antica c'era
cuntrastu chiaru tra lu Nord etruscu
e lu latinu Sud esattu comu
sempri cumpari appressu nta la storia,
tra l'italiani nordici e sudisti.
pag. 118
