Page 114 - SicilianaEneide

Infuria la battaglia

Contru lu muru i Volsci fannu ressa

cu la tistugini muntata e scali
abbrancicati vidi e petri grossi

tummari da li mura, mentri Turnu

a na turri s'avventa di difisa
e la sdurruba e poi di spada ammazza

la teucra genti ca la difinneva.

Lu sutta capu rutulu Numanu,

cugnatu di lu regi Turnu appari
buriusu e tronfiu nta lu campu e dici:

Julu si fa onuri

- Orsù trujani a cummattiri adusi

sulu darreri a mura prutittivi,

di modda cunsistenza e finucchiastri,
nisciti fora in campu apertu armati

di lu curaggiu ca vi manca vili.

Anzicché fimmini arrubari, fora
viniti ad assaggiari lu me ferru,

ca lu cumpensu dugnu a cu s'affudda! -

In lungu e largu gira e si furria,
ma giustu nta la frunti lu raggiungi

nu dardu ca d'Ascaniu fu lanciatu

e in terra stramazzavu cu fraguri.

Dopu, Buti cumpari accantu a Julu
e lu cunsigghia di ristari arrassu

di la battaglia, ca non po' muriri,

pirchì lu Fatu decretavu ad iddu
di non cascari mortu mentri pugna.

Fu nta stu puntu ca la porta apreru

pag. 123