Page 117 - SicilianaEneide

Libru decimu

Cunciliu di li Dei

Lu patri Giovi, ch'é lu cummannanti

in capu di l'Olimpu e di la terra
vistu lu gran casinu ca nto Laziu

c'era e nun era ascrittu di lu Fatu,

di piscari Giunoni cu li manu

in pasta mentri la spada maniava
a Turnu e trafficava sutta sutta

cu l'infernali Allettu e l'autri dei

nta lu Tartariu munnu cunnannati,
pruclama lu cunsigghiu generali

di li divinitati di l'Olimpu.

Esattamenti comu lu cunsigghiu

di li nazioni uniti veni fattu
quannu ci sunu cuntrastanti fatti

tra populi diversi di la terra.

In viritati c'é da diri intantu,
ca Giovi patri lu putiri aveva

di fari 'n-soccu voli, datu ch'era

suvranu assolutista e pussissuri
incuntrastatu e sulu di li lampi,

ma, nonostanti stu fatturi estremu,

Iddu facia di tuttu pi cimmari
li spiriti divini, pienamenti

certu ca pi ristari a galla devi

truvari u modu e la manera giusti

pi lassari cuntenti a tutti pari!
Pi chistu indici sempri concistori,

pag. 126